Arrantzak itsas ingurunean duen inpaktua murriztea, bazterkinak pixkanaka desagerrarazten laguntzea eta itsasoko baliabide biologikoen ustiapen jasangarrirako trantsizioa erraztea, ahalik eta errendimendu handiena lortzeko.
Diruz lagundu daitezkeen inbertsioak honako hauek izango dira:
a) Arrantza-aparailuetako tailen edo espezieen araberako selektibitatea handitzen duten ekipoak.
b) Ontzian edo bazterkinak ezabatzeko ekipoetan, merkataritza-populazioen nahi gabeko harrapaketak saihestuz eta murriztuz, edo 1380/2013 Erregelamenduaren 15. artikuluaren arabera lehorreratu behar diren nahi gabeko harrapaketak tratatuz.
c) Arrantza-jarduerek ekosisteman edo itsas hondoan dituzten ondorio fisikoak eta biologikoak mugatzen eta, ahal bada, ezabatzen dituzten ekipoak.
d) 92/43/EEE Zuzentarauak edo basa-hegaztien kontserbazioari buruzko 2009/147/EE Zuzentarauak babestutako ugaztunen eta hegaztien aurrean arrantza-aparailuak eta harrapaketak babesteko ekipoak, betiere arrantza-aparailuen hautakortasuna mugatzen ez bada eta harrapariei kalte fisikoa saihesteko neurri guztiak aplikatzen badira.
